Birkir Már Sævarsson, landsliðsmaður í fótbolta, fór meiddur af velli í leik Hammarby og Halmstad í sænsku A-deildinni í dag. Birkir lenti þá illa og virtist um meiðsli í öxl að ræða.
Ekki er víst hversu alvarleg meiðslin eru, en hann er í landsliðshópnum sem mætir Tékklandi og Katar í Katar síðar í mánuðinum.
Þetta var síðasti leikur Birkis með Hammarby en fyrir lá að hann myndi yfirgefa félagið að tímabilinu loknu eftir þriggja ára dvöl þar sem samningur hans var útrunninn.