„Það verður engin flugeldasýning í fyrsta leik,“ sagði hin leikreynda Kristín Guðmundsdóttir leikstjórnandi Vals, spurð um keppnistímabilið framundan og þann liðsstyrk sem Valsliðið hefur fengið fyrir keppnistímabilið í Olís-deild kvenna. „Það tekur sinn tíma að stilla saman strengina þegar nýir leikmenn koma í hópinn. Fólk heldur að verið sé að kaupa allan heiminn þótt tveir útlendingar komi í eitt lið,“ sagði Kristín sem er á meðal leikreyndustu leikmanna í Olís-deildinni.
„Hinsvegar erum við heppnar með þann liðsstyrk sem við höfum fengið utan frá, ekki bara vegna þess að þær eru góðar í handbolta heldur einnig vegna þess að þær eru góðir félagar og falla vel inn í hópinn og gefa mikið af sér,“ sagði Kristin en margir telja að Valur verði það lið þegar upp verður staðið sem helst getur keppt við Stjörnuna sem þykir hafa sigurstranglegt lið þetta tímabilið. Stjarnan og Valur mættust einmitt í 8-liða úrslitum Íslandsmótsins í vor og þá hafði fyrrnefnda liðið betur.
„Við erum ekkert á leiðinni að sigra heiminn. Deildin verður jöfn. Eins og sakir standa eigum við enn nokkuð í land enda er langt tímabil rétt að hefjast. Breiddin í hópnum hefur aukist og óvíst að liðið verði betra á fyrst metrunum núna en það var á síðasta keppnistímabili. Eins og fram hefur komið erum við með nokkra nýja leikmenn. Það tekur sinn tíma fyrir alla að kynnast og leika saman. Við vorum með góða liðsheild í fyrra og víst er að það verður sama upp á teningnum í vetur,“ sagði Kristín.
„Við þurfum ekki að sprengja sprengjur í fyrsta leik. Það tekur sinn tíma að slípa liðið saman. Kostirnir eru fleiri en þeir voru,“ sagði Kristín Guðmundsdóttir hjá Val. „Deildarkeppnina veðrur rosalega skemmtileg. Ég er spennt og pínu stressuð.“
Valur leikur sinn fyrsta leik í Olís-deildinni á mánudagskvöldið þegar liðið mætir Fylki í Valshöllinni kl. 19.30.
Lið Vals leiktíðina 2016-2017 í Olís-deild kvenna:
Berglind Íris Hansdóttir, markvörður
Ástrós Anna Bender, markvörður
Sólveig Katla Magnúsdóttir, markvörður
Birta Fönn Sveinsdóttir, vinstra horn, miðjumaður
Ragnhildur Edda Þórðardóttir, vinstra horn
Sólveig Lóa Höskuldsdóttir, vinstra horn
Vigdís Birna Þorsteinsdóttir, vinstra horn/lína
Diana Satkauskaite, vinstri skytta
Gerður Arinbjarnar, vinstri skytta
Kristín Guðmundsdóttir, vinstri skytta/leikstjórnandi
Morgan Marie Þorkelsdóttir, vinstri og hægri skytta
Kristín Arndís Ólafsdóttir, miðjumaður
Sigurlaug Rúnarsdóttir, miðjumaður
Díana Dögg Magnúsdóttir, hægri skytta
Elín Helga Lárusdóttir, hægra horn
Íris Ásta Pétursdóttir Viborg, hægra horn
Kristine Håheim Vike, hægra horn
Alexandra Diljá Birkisdóttir, línumaður
Eva Björk Hlöðversdóttir, línumaður
Þjálfari: Alfreð Örn Finnsson
Komnar frá síðasta keppnistímabili:
Birta Fönn Sveinsdóttir, frá KA/Þór
Díana Dögg Magnúsdóttir, frá ÍBV
Diana Satkauskaite, frá Garliava í Litháen
Kristine Håheim Vike, frá Volda í Noregi
Sólveig Katla Magnúsdóttir, frá Fjölni
Farnar eftir síðasta keppnistímabil:
Aðalheiður Hreinsdóttir, til Stjörnunnar
Bryndís Elín Halldórsdóttir, til náms í Danmörku
Hrafnhildur Hekla Björnsdóttir, í FH
Tanja Geirmundsdóttir, í FH