Er Cara Delevingne trúlofuð?

Ofurfyrirsætan Cara Delevingne hefur verið í sambandi við söngkonuna St. Vincent, réttu nafni Annie Clark,  í tæpt ár. Orðrómur þess efnis að parið hafi trúlofað sig hefur nú fengið byr undir báða vængi, en þær sáust skarta samskonar demantshringum á tískusýningu í París á dögunum.

Daily Mail greindi frá þessu og hafði jafnframt samband við talsmenn kvennanna til að freista þess að staðfesta orðróminn. Engin svör hafa þó borist við fyrirspurninni.

Báðar hafa þær lýst hrifningu sinni af hvor annarri í fjölmiðlum, en Delevingne sagði í viðtali að hún væri yfir sig ástfangin.

„Ég held að ást mín á kærustunni minni spili stóra rullu í því hversu hamingjusöm ég er og hversu ánægð ég hef verið í eigin skinni undanfarið.“

Fyrr á árinu deildi söngkonan einnig mynd af handskrifuðum skilaboðum á Instagram þar sem á stóð: „Annie Clark, viltu giftast mér?“ Við myndina skrifaði hún einfaldlega OK.

Fyrirsætan og tónlistarkonan skörtuðu sams konar hringum á dögunum. Skjáskot af Daily Mail

• Blogga um frétt