Ofurfyrirsætan Cara Delevingne frumsýndi á dögunum nýtt húðflúr, en hún hefur látið skreyta háls sinn með tveimur augum.
Fyrirsætan fékk húðflúrlistamanninn Bang Bang til að sjá um verkið, en hún er enginn nýgræðingur þegar kemur að húðflúrum.
Delevingne er til að mynda með mynd af ljóni á fingrinum, broskall á tánni og orðið „Bacon“ á flúrað á ilina svo eitthvað sé nefnt.
Skiptar skoðanir eru á ágæti nýjasta húðflúrsins, og vilja margir meina að það sé fremur óhugnanlegt og skringilegt. Sumir aðdáendur fyrirsætunnar eru þó stórhrifnir og telja það ljómandi fallegt.