Hæsta hættustigi hefur verið lýst yfir á Spáni vegna skógarelda. Hitabylgja geisar í landinu, önnur hitabylgjan í sumar. Um fimm hættustig er að ræða en það efsta merkir að gífurleg hætta sé á skógareldum.
Talið er að hiti muni víða fara upp í 36 til 40 gráður á Spáni í dag. Talið er að hitabylgjan muni ekki ganga niður fyrr en á sunnudag. Veðurstofa landsins hefur hvatt fólk til að fara afar varlega, þá sérstaklega þau sem eldri eru. Þann 29. júní síðastliðinn fór hiti upp í 44 gráður í spænsku borginni Cardoba.
Skógareldar kviknuðu í Aragon á Spáni um helgina. 1.500 manns þurftu að yfirgefa heimili sín en eldurinn náði yfir 13,500 hektara svæði.
Frét mbl.is: Stefnir í hitamet