Aftur verður réttað í máli bresks hermanns sem sakaður er um að hafa reynt að myrða eiginkonu sína í tvígang, fyrst með því að eiga við gasleiðslu á heimili þeirra og síðar með því að eiga við fallhlífarbúnað hennar.
Kviðdómur komst ekki að neinni niðurstöðu í fyrra skiptið og því verður málið tekið fyrir aftur.
Maðurinn, Emile Cilliers, hefur neitað því að hafa átt við fallhlíf konu sinnar og að hafa skemmt gasleiðslu.
Kona hans Victoria féll 1.200 metra þegar hvorki aðalfallhlíf hennar né varafallhlíf opnuðust en komst lífs af. Samkvæmt saksóknara hafði Emile viku áður átt við gasleiðslur á heimili þeirra og vonaðist til að að fiktið myndi leiða til sprengingar þegar eiginkonan kveikti á eldavélinni.
Victoria Cilliers fann gaslykt og sendi Emile skilaboð þar sem hún spurði hvort hann væri að reyna að koma henni fyrir kattarnef en sló skilaboðunum síðar upp í grín. Emile svaraði með því að bjóða henni í fallhlífarstökk, sem Victoria þáði.