Indverskir eiginmenn sem reyna að nýta sér skyndiskilnað við eiginkonur sínar gætu átt yfir höfði sér þriggja ára fangelsisvist ef ný lög verða samþykkt. Í ágúst lagði æðsti dómstóll Indlands bann við slíkum skilnaði því þeir brjóta gegn stjórnarskrá landsins. Þrátt fyrir það hefur ekki dregið úr þeim. BBC greinir frá.
Indland er eitt fárra ríkja í heiminum þar sem karlar sem eru múslimar geta skilið við eiginkonu sína á nokkrum mínútum. Það eina sem þeir þurfa er að að segja orðið talaq (skilnaður) þrisvar.
Í lögunum er einnig kveðið á um sektir sem og hvernig stuðningi við konur verði háttað.