N-Kórea skaut í átt að suðurkóreskum eyjum
Setja bókamerki
Norður-Kóreumenn gerðu stórkotaárás í átt að tveimur suðurkóreskum eyjum snemma í morgun, að sögn varnarmálaráðuneytis Suður-Kóreu.
Íbúum beggja eyjanna var gert að yfirgefa heimili sín og ferjusiglingar voru stöðvaðar á sama tíma og Suður-Kóreumenn undirbjuggu sjóhersæfingu til að bregðast við árásinni, sem er ein sú alvarlegasta á Kóreuskaganum síðan Norður-Kórea skaut á eina af sömu eyjum árið 2010.
Áður en árásin í morgun var gerð hafði Kim Jong-un, leiðtogi Norður-Kóreu, ítrekað sagt að þjóðin væri búin undir stríð gegn Suður-Kóreu og Bandaríkjunum.
Að sögn suðurkóreska varnarmálaráðuneytisins var „yfir 200 skotum” hleypt af í morgun skammt frá eyjunum Yeonpyeong og Baengnyeong.
„Þetta er ögrun sem ógnar friði á öllum Kóreuskaganum,” sagði ráðuneytið.
Kínverjar hafa kallað eftir því að allir sem tengjast málinu hafi hemil á sér og grípi ekki til neinna aðgerða sem auki spennuna á svæðinu.
„Höfum ekki náð að skríða upp úr þeirri gryfju“
/frimg/1/29/32/1293273.jpg)
Ekki af baki dottinn og ætlar að opna B5 aftur
Þyngri refsing fyrir að nauðga stjúpdóttur æskuvinar
Skaut sex sinnum að feðginum á aðfangadagskvöld
Mál hjúkrunarfræðingsins fer aftur fyrir héraðsdóm
Telur forsendur fyrir vaxtalækkun
/frimg/1/48/74/1487454.jpg)
Heldur inn í nóttina tuttugu kílóum léttari