Lögreglan á höfuðborgarsvæðinu hefur verið tilnefnd til alþjóðlegra verðlauna fyrir notkun á samfélagsmiðlum í þágu löggæslu. Einnig eru lögreglulið frá Kanada og Ástralíu tilnefnd í þessum flokki.
Frá þessu segir á facebooksíðu lögreglunnar á höfuðborgarsvæðinu.
Þar segir: „Við erum stolt af þessum árangri og afar þakklát sömuleiðis fyrir jákvæðar viðtökur hjá ykkur og virk samskipti á okkar síðum á netinu.“
Verðlaunin nefnast „Connected Cops Awards“ á ensku.
Í umsögn um facebooknotkun lögreglunnar á höfuðborgarsvæðinu segir að frá því að hún hóf notkun samfélagsmiðla síðla árs 2010 hafi 22.000 skráð sig á síðuna, en það sé líklega hlutfallslega mesti fjöldi, sé miðað við mannfjölda.