Lögfræðistofurnar Logos, Lex og BBA Legal skiluðu samanlagt 1.070 milljóna króna hagnaði á síðasta ári.
Svipuð afkoma var hjá stofunum þremur í fyrra en hagnaður Logos dregst töluvert saman, eða um rúmar 100 milljónir meðan hagnaður BBA Legal eykst um 116 milljónir, að því er fram kemur í Morgunblaðinu í dag.
Tekjur félaganna þriggja námu tæpum 4,1 milljarði króna og stöðugildi voru að jafnaði 150 talsins. Flest voru þau hjá Logos eða 72, 55 hjá Lex og 23 hjá BBA Legal.