Heljarinnar haglél dundi á Húsavík um fjögurleytið í dag undir háværum þrumum og eldingum. Á golfvellinum Katlavelli urðu flatirnar skjannahvítar á örskammri stundu.
Hjálmar Bogi Hafliðason var á golfvellinum að undirbúa 50 ára afmæli golfklúbbs Húsavíkur þegar lætin hófust.
„Það var ægilega dökkur himinn í austri og allt í einu heyrðum við þvílíkar þrumur og sáum eina og eina eldingu. Svo horfum við á haglélið koma niður og sum högl voru einn eða einn og hálfur sentímetri í þvermál, ég hef ekki upplifað annað eins,“ segir Hjálmar Bogi.
Að neðan má sjá myndband frá Katlavelli.