Handtekinn á skólaballi

Sautján ára gamall piltur, sem var í mjög annarlegu ástandi, var handtekinn á skólaballi í Hafnarfirði um miðnætti eftir slagsmál. Var pilturinn vistaður í fangageymslu lögreglu vegna ástands og hringt í forráðamann hans sem kom síðar á lögreglustöð og sótti unga manninn. Lögreglan hefur tilkynnt atvikið til barnaverndar.

Lögreglan handtók unga konu sem var í svo annarlegu ástandi að hún var ekki viðræðuhæf um hálfellefuleytið í gærkvöldi. Konan var við bifreið á Heiðmerkurvegi þegar lögreglu bar að og er hún vistuð í fangageymslu lögreglunnar vegna ástands.

• Blogga um frétt