Skipaflotinn knúinn útblæstri

Stjórnvöld hafa samið við japanska fyrirtækið Mitsubishi um þróun nýrrar tækni sem fyrirtækið býr yfir og gerir mönnum kleift að búa til nothæft eldsneyti úr útblæstri frá stóriðju.

Össur Skarphéðinsson, iðnaðarráðherra, sér fyrir sér að þetta gæti orðið að veruleika eftir tíu ár ef að þessi tækni gangi upp í framkvæmd. Íslenski skipaflotinn gæti þá allur gengið fyrir útblæstri frá álverum og eitraðar gróðurhúsalofttegundir yrðu jafnframt skaðlausar.

Össur upplýsti þetta síðdegis þegar hann skrifaði undir viljayfirlýsingar um að nýir rafbílar frá Mitsubishi yrðu fluttir hingað til lands og prufukeyrðir við íslenskar aðstæður. Sett verða upp sérstök þjónustuver fyrir rafbíla en Hekla flytur þá inn þegar þeir koma á götuna árið 2010.

• 5 blogg um fréttina

Bloggað um fréttina

• Axel Jóhann Hallgrímsson: Ráðherrapúst
• Morten Lange: Textahöfundur missir af aðalfrétt: Ökutæki sem gengur fyrir fitu
• Gunnar Th. Gunnarsson: Svei mér þá!
• Björgvin Guðmundsson: Fiskiskipaflotinn knúinn útblæstri
• Ágúst H Bjarnason: Endurnýting CO2. Ekki alveg nýtt á Íslandi.