Heimildarákvæði beitt gegn Rúmenum og Búlgörum

Ríkisstjórnin ætlar að fresta því til ársins 2009 að Búlgarar og Rúmenar geti komið án takmarkana til landsins og unnið eins og aðrir íbúar Evrópusambandsins og EES-svæðisins. Fram kemur í Blaðinu í dag að nýtt verði heimildarákvæði í samningnum um Evrópska efnahagssvæðið.

Jóhanna Sigurðardóttir, félagsmálaráðherra, segir við blaðið, að Búlgarar og Rúmenar, sem gengu í Evrópusambandið um síðustu áramót, hafi heimild til að koma hingað í gegnum þjónustusamninga og starfsmannaleigur. Jóhanna segir ríkisstjórnina geta framlengt frestinn ef ástæða þykir til, eða til 2014.

• Blogga um frétt