Blómaskreytingar sem lífga upp á tilveruna

Nú þegar sumarið er loks komið og sólin hægt og rólega farin að láta sjá sig nota margir íslendingar tækifærið til að vinna í garðinum og kaupa sér fallega blómvendi til að lífga upp á heimilið.

Blómvendir eru oft mjög dýrir og erfitt getur verið að finna út hvernig blóm þú vilt hafa en hér eru blómasalar frá öllum heimshornum sem þú getur fylgt á Instagram til að veita þér innblástur og hvetja þig kannski til þess að búa til þinn eigin blómvönd næst. 

@amy_merrick

Amy er frá New York og Japan og blandar hún því mikið tveimur stílum saman en hún stundar garðrækt á Englandi.

@swallowsanddamsons

Anna Porter vinnur mikið með jarðbundna liti og rósir. Instagram-síða hennar er full af myndum af stórkostlegum blómvöndum.

 @belljarbotanicals

Jasmine, eigandi Belljar Botanicals, vinnur mikið með brúðkaupsskreytingar. Búð hennar er staðsett í Kanada og notar hún blóm í fjölbreyttum og skærum litum. 

@thelittlebanana

Siri Thornsson býr á San Juan-eyju og leggur mikla áherslu á náttúruna þar sem hún notar umhverfið í kringum sig sem innblástur fyrir blómahönnun sína. 

@saipua

Sarah Ryhanen heillast mikið af sveitinni og notar hana í innblástur fyrir blómahönnun sína. Instagram-síða hennar er full af myndum af Íslenskum lömbum í bland við náttúrulega og fallega blómvendi. 

• Blogga um frétt