Cristiano Ronaldo freistar þess að jafna eða jafnvel slá markamet Michels Platinis frá Frakklandi í úrslitakeppni EM í knattspyrnu þegar Portúgal mætir Póllandi í fyrsta leik átta liða úrslitanna í kvöld.
Platini skoraði níu mörk í lokakeppni EM á sínum tíma en Ronaldo, sem nú hefur skorað í fjórum lokakeppnum, er kominn með átta mörk.
Hann freistar þess þar jafnframt að koma Portúgölum í undanúrslitin en sigurliðið í kvöld mætir annaðhvort Wales eða Belgíu sem eigast við annað kvöld.