Velska knattspyrnufélagið Swansea City hefur náð samningum við Hoffenheim í Þýskalandi um kaup á Gylfa Þór Sigurðssyni fyrir 7,2 milljónir punda, samkvæmt frétt BBC í dag.
Fregnir hafa verið um samkomulag félaganna í enskum og þýskum miðlum síðustu daga en það hefur ekki verið staðfest.
Gylfi var sem kunnugt er í láni hjá Swansea frá Hoffenheim síðari hluta nýliðins tímabils og skoraði þar sjö mörk í 17 leikjum fyrir liðið í ensku úrvalsdeildinni.