Hamilton tekur út refsingu í Spa
Setja bókamerki
Mercedesliðið staðfesti í dag, að Lewis Hamilton þurfi að taka út refsingu fyrir ofnotkun véla um helgina í belgíska kappakstrinum. Það getur þýtt að hann hefji keppni aftastur á rásmarki.
Hamilton hefur notað vélar- og aflrásarhluti umfram heimildir og er ástæðan ítrekaðar bilanir framan af keppnistíðinni.
Þannig hefur hann brúkað fimm hverfilblásara, jafnmörg orkuendurheimtingarkerfi (MGU-H), þrjár vélarblokkir, orkugeymslur og rafeindastýringar. Samkvæmt reglum fær Hamilton 10 sæta afturfærslu við sjötta eintakið af tilteknum íhlut og fimm sæti til viðbótar við næsta sjötta partinn.
„Það er nokkuð víst að hann þurfi að hefja keppni aftastur eða mjög nærri því, nákvæmar getum við ekki sagt um þetta núna,“ sagði talsmaður Mercedes í Spa Francorchamps í dag.
Liðsfélagi Hamiltons, Nico Rosberg, hefur ekki notað neina íhluti umfram þrjá það sem af er ári. Inn í mótið fer Hamilton með 19 stiga forskot á Rosberg í keppninni um heimsmeistaratitil ökumanna, eftir að hafa um skeið verið 43 stigum á eftir. Hefur hann unnið sex mót af síðustu sjö en búast má við að um helgina verði leikurinn auðveldari fyrir Rosberg.
Skiptir miklu meira máli en fólk grunar
Handteknir eftir myndatöku í Vesturbæjarlaug
Beint: Frambjóðendur skila inn listum
„Höfum ekki náð að skríða upp úr þeirri gryfju“
Skar höfuðleðrið af íslenskri konu
Kostnaður meiri en milljón á fermetra
Krefjast stöðvunar framkvæmda