Meistararnir í kröppum dansi

Íslandsmeistarar HK í blaki karla unnu Þrótt Neskaupsstað, 3:0, í hrinum talið í Mizuno-deild karla í Fagralundi í gær. Liðin mættust öðru sinni á sama stað í dag og þá var um mikið jafnari leik að ræða þar sem HK vann, 3:2, eftir að  unnu oddahrinuna, 15:11. 

HK vann fyrstu hrinuna  25:19 eftir að hafa skorað tíu fyrstu stigin áður en strákarnir að austan skoruðu fyrsta stigið. HK vann aðra hrinuna nokkuð örugglega 25:13. 

Þróttur nes mætti ákveðnari til leiks í þriðju hrinu og unnu, 23:25. Mikil barátta var á báða bóga. Fjórða hrina var æsispennandi og hafði gestaliðið sigur 23:25. 

Síðasta hrinan var mjög spennandi og leiddu gestirnir um tíma en heimamenn spýttu í lófana og höfðu sigur í hrinunni 15-11 og þar með leiknum 3-2. 

Stigahæstir í liði HK voru Felix Þór Gíslason með 17 stig og Kjartan Fannar Grétarsson með 13 stig. Stigahæstir í liði Þróttar voru Valgeir Valgeirsson og Matthías Haraldsson með 12 stig hvor

• Blogga um frétt