Deildarmeistarar HK höfðu betur gegn Stjörnunni í fyrsta leik liðanna í undanúrslitum Íslandsmóts kvenna í blaki í dag, 3:0.
Fyrsta hrinan fór 25:21, önnur hrinan 25:14 og þriðja og síðasta hrinan fór 26:24 eftir mikla spennu. Vinna þarf tvo leiki til að tryggja sér sæti í úrslitaeinvíginu.
HK hafnaði í efsta sæti deildarinnar með 50 stig, en Stjarnan var í 4. sæti með 22 stig og búast því flestir við sigri HK í einvíginu.