Eyjamaðurinn Hákon Daði Styrmisson hefur skrifað undir nýjan þriggja ára samning við Olís-deildarmeistara Hauka í handknattleik.
Hákon Daði hefur farið á kostum frá því að hann gekk í raðir Hauka á tímabilinu frá ÍBV og hefur raðað inn mörkunum fyrir Hafnarfjarðarliðið í úrslitakeppni Olís-deildarinnar.
Skoraði hann til að mynda yfir 10 mörk að meðaltali í leikjunum fjórum gegn ÍBV en samtals er kappinn kominn með 60 mörk í sjö leikjum í úrslitakeppinni. Hinir þrír voru á móti Akureyri.
Haukar eru komnir í úrslit og mæta Aftureldingu annað árið í röð. Haukar sópuðu Mosfellingum út í fyrra, 3:0.