Boris Johnson, fyrrverandi forsætisráðherra Bretlands, baðst í dag afsökunar á þeim þjáningum og missi sem kórónuveirufaraldurinn olli í Bretlandi. Johnson situr í dag fyrir svörum sérstakrar nefndar sem rannsakar viðbrögð breskra stjórnvalda við faraldrinum.
Hann hefur verið harðlega gagnrýndur af fyrrverandi samstarfsfólki, m.a. fyrir ákvarðanafælni og fyrir skort á vísindalegri þekkingu á meðan faraldrinum stóð. Hann mun sitja fyrir svörum í dag og svo aftur á morgun.
An emotional Boris Johnson refers to 2020 as a "tragic, tragic year" as he continues to give evidence at the Covid inquiry
— BBC Politics (@BBCPolitics) December 6, 2023
Follow our live coverage https://t.co/hmfzx7eBar pic.twitter.com/FBmNfa1jtF
Johnson var bolað burt úr stóli forsætisráðherra í fyrra eftir að hafa gerst sekur um að halda teiti í Downingstræti á meðan samkomutakmarkanir voru í gildi. Hann viðurkenndi að mistök hefðu verið gerð en margítrekaði aftur á móti að hann og aðrir embættismenn hefðu gert sitt allra besta í erfiðum aðstæðum.
„Ég skil hvernig fórnarlömbum og fjölskyldum þeirra líður og ég er alveg miður mín vegna þess sársauka, missis og þjáningar sem þessi fórnarlömb og fjölskyldur þeirra hafa mátt þola,“ sagði Johnson.
Hann var truflaður um stundarsakir þegar mótmælanda var gert að víkja úr salnum eftir að hafa neitað að setjast niður er Johnson baðst afsökunar. Síðar var fleirum gert að yfirgefa fundarsalinn.
Four people have been escorted out of the COVID Inquiry.
— Sky News (@SkyNews) December 6, 2023
Former PM Boris Johnson starts his evidence by saying "how sorry I am for the pain and the loss."https://t.co/BOpf1N96Nt
📺 Sky 501, Virgin 602, Freeview 233 and YouTube pic.twitter.com/nVf1r659Ma
„Vissulega þá gerðum við mistök,“ sagði Johnson sem bætti við að hann hefði borið persónulega ábyrgð á öllum ákvörðunartökum.
„Mér fannst við á þessu tímabili [...] vera gera okkar besta við afar erfiðar aðstæður.“
Um miðjan júlí árið 2021 höfðu tæplega 130.000 manns látist af völdum Covid í Bretlandi. Það er eitt hæsta hlutfall látinna í faraldrinum í vestrænum ríkjunum miðað við höfðatölu.