Gróska í fornleifarannsóknum í ár

24 verkefni fengu styrk úr fornminjasjóði, en alls var veitt úr sjóðnum tæpum 45 milljónum króna.

Stefnt er að því að ljúka fornleifauppgreftri í Keflavík í Hegranesi í sumar, en fornleifadeild Byggðasafns Skagfirðinga fékk fjögurra milljóna króna styrk vegna þriðja áfanga verkefnisins.

Um fimmtíu grafir hafa fundist í Keflavík, að því er fram kemur í umfjöllun um fornleifarannsóknir sumarsins í Morgunblaðinu í dag.