Fjölskylda Arturs Jarmoszko, sem ekkert hefur spurst til frá því 1. mars, hefur ráðið einkaaðila í Póllandi til að rannsaka hvarf hans. Þetta kom fram í kvöldfréttum Stöðvar 2.

Artur er 26 ára og frá Póllandi. Hann hefur verið búsettur á Íslandi í nokkur ár. Leit að honum hófst ekki fyrr en mörgum dögum eftir að hann hvarf. Leitin beindist að svæðinu í kringum Fossvog en bar ekki árangur og var hætt fyrir þremur vikum. 

Í frétt Stöðvar 2 kom fram að fjölskylda Arturs óttist að honum hafi verið unnið mein og gagnrýnir lögregluna á Íslandi fyrir að sinna málinu ekki nægjanlega vel. Því ákvað hún að ráða pólskan einkaaðila til að skoða málið. Fram kom í fréttinni að slík ráðagerð tíðkist í Póllandi.

Tengdar fréttir

Lýst eftir Art­ur Jarmosz­ko

Líkamsleifarnar af Arturi

• Segir Rambó hafa svikist undan
• Öllum ráðum beitt í leitinni að Arturi
• Sendiherra upplýstur vegna Arturs
• Engar nýjar vísbendingar borist

» Fleiri tengdar fréttir

• Blogga um frétt