Butler á Íslendingi mikið að þakka

Skoski leikarinn Gerard Butler segist eiga líf sitt að þakka ævintýragjörnum Íslendingi sem hann réði sem aðstoðarmann og andlegan ráðgjafa við tökur kvikmyndarinnar Beowulf og Grendel árið 2005. Butler heldur góðu sambandi við Íslendinginn sem hann kallar Halla.

Samkvæmt því sem kemur fram á vefsvæðinu PR-Inside ver Butler frítima sínum mikið til á Íslandi með Halla. Leikarinn minnist ævintýraferða með Halla í íslenskri náttúru þar sem þeir hafi nánast verið við dauðans dyr en Halli ávallt komið til bjargar. Þá hafi þeir tjaldað á íslenskum jökli um miðja nótt og horft á norðurljósin saman.

PR-Inside

• Blogga um frétt