Belgískur maður bað yfirmann sinn um frí í vinnunni í eina klukkustund, meðan hann fór og rændi banka.
Hinn 30 ára gamli Frederic Mestdach bað yfirmann sinn um frí þar sem hann ætlaði að skreppa út í sjoppu. Í stað þess hjólaði hann í næsta banka og rændi hann. Maðurinn hótaði afgreiðslufólki með hnífi og hafði peninga á brott með sér. Hann hjólaði síðan beinustu leið til baka og mætti til vinnu sinnar eins og ekkert hafði í skorist.
Einni klukkustund síðar mætti belgíska lögreglan á staðinn og handtók manninn fyrir þjófnað. Peningarnir fundust í fórum hans og var hann kærður og hlaut 4 ára fangelsisdóm.