Mikið hefur verið rætt og ritað um stöðu franska miðjumannsins Paul Pogba hjá Juventus en Manchester United og Real Madrid hafa verið á höttunum eftir honum síðustu vikur. Hann birti áhugaverð skilaboð á Instagram-síðu sinni í dag.
Pogba gekk til liðs við Juventus frá Manchester United sumarið 2012 en hann kom til ítalska félagsins á frjálsri sölu. Hann fékk lítið sem ekkert að spreyta sig hjá United og ákvað hann því að reyna fyrir sér á Ítalíu.
Nú fjórum árum síðar er hann einn verðmætasti leikmaður heims og hefur þegar afrekað að vinna ítölsku deildina, bikarinn og fékk þá silfur á Evrópumótinu í Frakklandi í sumar.
Manchester United og Real Madrid eru að berjast um að fá kappann í sínar raðir en það mun kosta félögin 100 milljónir punda. Hann yrði því dýrasti leikmaður heims en hann birti dulkóðuð skilaboð á Instagram-síðu sinni í dag.
Hann birti mynd af sér og ítalska umboðsmanninum, Mino Raiola, þar sem þeir eru yfirvegaðir á sundlaugarbakka í Miami en undir myndinni segir „Við segjum allt sem segja þarf með því að segja nákvæmlega ekki neitt.“
Er Pogba á leið frá Juventus? Fer hann til Manchester United eða Real Madrid? Það er erfitt að segja en þessi mynd mun klárlega gera umræðuna meira spennandi en hún er nú þegar.
<div> <div></div> </div><a href="https://www.instagram.com/p/BIS0MNajPP4/" target="_blank">En disant rien on a tout dis 👊🏿 we say it all by saying nothing at all #holidays</a>
A photo posted by Paul Labile Pogba (@paulpogba) on Jul 25, 2016 at 11:09am PDT