Jóhann Berg Guðmundsson, landsliðsmaður í knattspyrnu, fer vel af stað með sínu nýja liði Charlton, en hann skoraði sigurmark liðsins í dag gegn Southend í æfingaleik í morgun sem leikinn var fyrir luktum dyrum.
Jóhann Berg var í byrjunarliðinu og spilaði allan leikinn, en hann skoraði með þrumuskoti utarlega úr teignum þegar sex mínútur voru til leiksloka, lokatölur 1:0. Þetta var jafnframt fyrsta markið sem Charlton skorar á enskri grund á undirbúningstímabilinu.
Stuðningsmenn Charlton voru ánægðir með sinn mann.
Goal! Hopefully the first of many from Gudmundsson #cafc
— Marcus Hoare (@MarcusHoare1) July 26, 2014