James Harden átti afar góðan leik fyrir Brooklyn Nets þegar liðið heimsótti Houston Rockets í NBA-deildinni í körfuknattleik í nótt. Harden náði þrefaldri tvennu gegn sínum gömlu félögum í þægilegum sigri.
Harden er í nokkurs konar guðatölu í Houston eftir að hafa leikið með liðinu í áratug og var treyjan sem hann lék, númer 13, lögð til hliðar á dögunum.
Í leiknum í nótt skoraði hann 29 stig, tók 10 fráköst og gaf 14 stoðsendingar í 132:114 sigri.
Stórleikur Embiid
Þá heldur Joel Embiid áfram að fara á kostum í liði Philadelphia 76ers.
Í nótt skoraði hann 40 stig og tók 19 fráköst þegar Philadelphia vann Utah Jazz, 131:123, eftir framlengdan leik.
Átta leikir til viðbótar fóru fram í NBA-deildinni í nótt.
Öll úrslit næturinnar:
Houston – Brooklyn 114:132
Philadelphia – Utah 131:123 (frl.)
Cleveland – Indiana 111:114
Toronto – Detroit 105:129
Minnesota – Charlotte 102:135
New Orleans – Chicago 124:128
Orlando – Atlanta 112:115
Dallas – Oklahoma 87:78
Portland – Golden State 108:06
Sacramento – LA Lakers 123:120