Kaine formlega útnefndur
Setja bókamerki
Demókratar hafa formlega útnefnt Tim Kaine varaforsetaefni Demókrataflokksins, á landsþingi sínu sem nú stendur yfir í Philadelphia. Fallið var frá venju og Kaine útnefndur með fagnaðarlátum í stað atkvæðagreiðslu.
Kaine, 58 ára, er öldungadeildarþingmaður fyrir Virginíu, sem verður barátturíki í komandi forsetakosningum.
Báðir flokkar, Demókrataflokkurinn og Repúblikanaflokkurinn, hafa nú útnefnt forseta- og varaforsetaefni sín og ljóst að slagurinn stendur milli Hillary Clinton og Tim Kaine annars vega, og Donald Trump og Mike Pence hinsvegar.
Vonir standa til að Kaine hjálpi Clinton við að ná til karlkyns kjósenda sem standa utan flokka, en hann þykir annars heldur hófsamur og má passa sig á því að tapa ekki fylgi demókrata á vinstri vængnum.
Bernie Sanders, keppinautur Clinton um útnefninguna, hafði lagt til að hún veldi róttækara varaforsetaefni, t.d. Elizabet Warren.
Clinton sagði hins vegar um Kaine að hann væri allt sem Donald Trump og Mike Pence væru ekki.
Telur forsendur fyrir vaxtalækkun
Krefjast stöðvunar framkvæmda
Mál hjúkrunarfræðingsins fer aftur fyrir héraðsdóm
Nemendur í HÍ reistu tjaldbúðir án leyfis
Bergnuminn í Hvalfirði
Frambjóðendur skila inn listum í Hörpu
Skaut sex sinnum að feðginum á aðfangadagskvöld