Yngsti forsætisráðherra Túnis frá því að landið öðlaðist sjálfstæði sór embættiseið í dag. Youssef Chahed, 40 ára, og 26 ráðherrar í ríkisstjórn hans sóru að vinna af heilindum í þágu Túnis og virða stjórnarskrá landsins og lög.
Chahed er sjöundi forsætisráðherrann sem tekur embætti frá því að Zine El Abidine Ben Ali var tilneyddur til að segja af sér í uppreisn árið 2011.
Þingið samþykkti nýju ríkisstjórnina með 168 atkvæðum af 195. 22 greiddu atkvæði á móti og 5 sátu hjá. Ríkisstjórnin tekur formlega til starfa á mánudag.
Forsetinn Beij Caid Essebsi fékk Chahed stjórnarmyndunarumboð fyrr í þessum mánuði eftir að þingmenn samþykktu vantrauststillögu á hendur ríkisstjórn Habib Essid. Chahed tilheyrir Nidaa Tounes, flokki forsetans.
Hans bíða aðkallandi verkefni, ekki síst á sviði efnahags- og öryggismála.