Benjamin Ferencz, síðasti eftirlifandi saksóknari Nürnberg-réttarhaldanna, er látinn 103 ára að aldri.

Frétt af mbl.is

Réttarhöld aldarinnar

Bandaríkjamaðurinn Benjamin Ferencz var aðeins 27 ára gamall og ekki með neina reynslu af réttarhöldum þegar hann varð einn af yfirsaksóknurum réttarhaldanna sem hófust 20. nóvember 1945 í borginni Nürnberg í Þýskalandi.

Þar voru helstu leiðtogar Nasistaflokksins dæmdir fyrir stríðsglæpi sem framdir voru í seinni heimstyrjöldinni. Um var að ræða fyrsta alþjóðlega stríðsglæpadómstól sögunnar.

Ferencz var falið að lögsækja leiðtoga Einsatzgruppen, sérstakra morðsveita sem urðu fleiri en milljón manns að bana.

Af þeim 22 nasistum sem Ferencz sakfelldi voru fjórir teknir af lífi.

Frétt af mbl.is

„Ég vildi komast í návígi við þá“

Harvard-lögfræðingur af gyðingaættum

Ferencz fæddist í Austur-Evrópu árið 1920. Stuttu seinna fluttu foreldrar hans, sem voru gyðingar, með hann til Bandaríkjanna.

Hann útskrifaðist frá lagadeild Harvard-háskóla árið 1943 og þjónaði í bandaríska hernum í seinni heimsstyrjöldinni. Þar starfaði hann fyrir stríðsglæpadeild hersins þar sem hann kannaði nýfrelsaðar fangabúðir til að safna sönnunargögnum um voðaverkin sem þar voru framin.

Ferenz lést í svefni af náttúrulegum orsökum í gær í bandaríska ríkinu Flórída, að sögn Donalds Ferencz, sonar hans.

Tengdar fréttir

Seinni heimstyrjöldin

Fullnægt með hengingu

• Útrýming gyðinga hófst fyrr en áður var talið
• Lýstu yfir sakleysi án þess að blikna
• Ærandi þögn um hryllinginn
• „Ég vildi komast í návígi við þá“

» Fleiri tengdar fréttir

• Blogga um frétt