Eigendur veitingastaðarins Public House við Laugaveg í Reykjavík ætla ekki að halda dæmigert opnunarpartí fyrir vini og kunningja. Þeir ætla að nota tækifærið og hvetja viðskiptavini til að styðja við gott málefni, UNICEF.
Þeir Gunnsteinn Helgi Maríusson og Eyþór Mar Halldórsson ætluðu að opna veitingastaðinn Public House við Laugaveginn í Reykjavík um síðustu mánaðamót en gátu lengi vel ekki gert það þar sem stimpil lögfræðings hjá sýslumanni vantaði á rekstrarleyfi staðarins.
Ástæðan fyrir því að stimpillinn fékk ekki var verkfall lögfræðinga hjá sýslumanninum á höfuðborgarsvæðinu.Nú er búið að stimpla og var staðurinn formlega opnaður í dag.
Gunnsteinn segir í samtali við mbl.is að úrval af réttum og drykkjum verði á matseðlinum á morgun. „Fólk má koma inn og velja sér mat og drykk og svo erum við með söfnunartíma UNICEF á matseðlinum (1900) og leggur fólk þá inn 1.500 krónur til samtakanna. Þá verða einnig baukar á staðnum“ segir Gunnsteinn. Viðburðurinn stendur frá kl. 12 til kl. 18.
Gunnsteinn segir að þeir félagarnir hafi fengið góðar viðtökur hjá viðskiptavinum.Um er að ræða smáréttastað en staðir sem þessir eru meðal annars vinsælir í Englandi og í New York. „Þetta er fullkominn staður fyrir vinahópa,“ segir Gunnsteinn.
Frétt mbl.is: Vantar bara stimpilinn
Frétt mbl.is: Stefna á að opna sem fyrst