Vann 261 milljón króna í Víkingalottó

Íslenskur lottóspilari datt heldur betur í lukkupottinn í kvöld þegar hann vann 261 milljón króna í Víkingalottó. Tveir deildu með sér fyrsta vinning en hinn vinningsmiðinn var keyptur í Noregi.

Íslenski vinningsmiðinn var keyptur í N1 í Stórahjalla í Kópavogi.

Einn hlaut bónusvinning kvöldsins og fær hann 10 milljónir í sinn hlut. Sá miði var keyptur í áskrift.

Fjórir voru með fjórar tölur réttar í réttri röð í Jóker og fá þeir 100.000 krónur hver. Tveir miðanna voru keyptir í 10-11 Dalvegi og tveir í áskrift.

Vinningstölur kvöldsins í Víkingalottó voru 10-14-16-18-30-38. Bónustölurnar voru 29-33 og ofurtalan 9.

Jókertölur kvöldsins voru 8-8-7-1-4.

• Blogga um frétt