Senda inn efni
Embættismenn bíða eftir að ganga á fund fjárlaganefndar í morgun. mbl.is/Kristinn
Svavar neitaði að mæta á fundinn
Bloggað um fréttina
-
Ragnar Örn EiríkssonValdarán VG að upplýsast?
-
Gunnar GunnarssonSvavar klikkar eins og venjulega
-
Þórarinn Þ GíslasonNEI !OG AFTUR NEI ! SEGIR SÁ SEM VALDIÐ HEFUR.....…
-
Sigurður JónssonÉg hélt að Svavar væri í vinnu hjá þjóðinni?
-
Haraldur HaraldssonSvavar neitaði að mæta á fundinn///er hann ekki…
-
Örn GunnlaugssonGlæpahyski
-
Haraldur HanssonAð kyrkja lítið dýr
-
Stefán Friðrik StefánssonSvavar þorir ekki að standa fyrir máli sínu
-
Friðrik Hansen GuðmundssonStjórnarslit og nýjar kosningar, takk!
-
Heimir L FjeldstedFalin slóð
-
Jóhannes RagnarssonVinstriarmur VG er á leiðinni út
-
Gestur GuðjónssonSendiherra nennir ekki að mæta
-
Jón Valur JenssonSvavar Gestsson heldur þinginu í gíslingu –…
-
Jón SnæbjörnssonHvað þykist maðurinn vera, neitar að mæta
-
Guðbjörn GuðbjörnssonEr enskukunnáttu Svavars um að kenna?
-
Gísli Foster HjartarsonLögregluvald!!
-
Guðmundur BaldurssonSvavar Gestsson.neitaði að mæta
-
Stefán ReynissonEr ekki allt í lagi?
-
Jóhann ElíassonRÁÐA MENN ÞVÍ SJÁLFIR HVORT ÞEIR MÆTA EÐA EKKI,…
-
Ólafur Tryggvason ÞorsteinssonHann bara neitaði að mæta
-
Sigurður SigurðssonMaður á bara ekki orð !!!
-
Einar GuðjónssonAf hverju þarf Svavar ??
-
Jón RagnarHroki
-
Kristin stjórnmálasamtökSvavar Gestsson neitaði að mæta á fund…
Svavar Gestsson, formaður samninganefndar um Icesave, neitaði að koma fyrir fjárlaganefnd, en minnihluti nefndarinnar óskaði eftir því að hann kæmi fyrir nefndina. Kristján Þór Júlíusson, þingmaður Sjálfstæðisflokks, segir að þetta hafi komið fram á nefndarfundi í morgun.
Kristján Þór sagði þegar hlé var gert á fundi fjárlaganefndar í morgun að Svavar hefði sent yfirlýsingu til nefndarinnar þar sem kæmi fram að hann væri ekki sammála frásögn bresku lögmannsstofunnar Mishcon de Reya á því sem gerðist skömmu áður en drög að Icesave-samningunum voru kynnt fyrir utanríkisráðherra sl. vor.
Kristján Þór sagði að Svavar svaraði í engu þeim atriðum sem þingmenn stjórnarandstöðunnar vildu spyrja um. Raunar hefðu þingmennirnir ekki fengið tækifæri til að leggja neinar spurningar fyrir Svavar.
Bréf Svavars er stutt. Þar segir: „Í bréfi lögmannsstofunnar Mishcon de Reya er fullyrt að ég hafi lagt svo fyrir sem formaður samninganefndarinnar að ekki mætti sýna utanríkisráðherra Össuri Skarphéðinssyni hluta af kynningu lögmannsstofunnar í Icesave málinu þar sem málið væri of viðkvæmt. Einhverjir hafa kosið að skilja þetta svo að ég hafi ekki treyst utanríkisráðherra. Ekkert er fjarri sannleikanum og bið ég fjárlaganefnd í allri vinsemd að hugleiða hvaða markmiðum ég hefði náð með því að leyna mikilvægum gögnum fyrir utanríkisráðherra. Ég kannast sem sé ekkert við þá lýsingu á málinu sem fram kemur í bréfi Mishcon de Reya 29.12. 2009. Hins vegar lagði lögmannsstofan sjálf mikla áherslu á að málið væri viðkvæmt.“
Samkvæmt upplýsingum mbl.is vill minnihlutinn í fjárlaganefnd einnig fá upplýsingar frá Mishcon de Reya um tölvusamskipti lögmannsstofunnar við íslensku samninganefndina og fjármálaráðuneytið fyrr á þessu ári. Á það hefur stjórnarmeirihlutinn í nefndinni ekki fallist.
Tveir af þeim sem sátu í samninganefnd Íslands, sem sömdu við Breta og Hollendinga um Icesave-samninginn, komu fyrir fjárlaganefnd í morgun. Þetta eru Einar Gunnarsson, ráðuneytisstjóri í utanríkisráðuneytinu, Áslaug Árnadóttir, yfirmaður Tryggingasjóðs fjárfesta og innstæðueiganda og Páll Þórhallsson lögfræðingur í forsætisráðuneytinu voru kölluð fyrir fund fjárlaganefndar í morgun. Áslaug og Páll sátu í nefndinni sem samdi við Breta og Hollendinga um Icesave.
Ólöf Nordal, þingmaður Sjálfstæðisflokks, sagði að Áslaug og Páll hefðu ekki getað varpað ljósi á atburðarrásina sem um er deilt. Ólöf sagði ljóst að einungis Svavar sjálfur gæti skýrt málið með því að svara spurningum nefndarmanna.
Til baka