Kyle Cameron, tvítugur Englendingur, æfir þessa dagana með knattspyrnuliði FH. Cameron er samningsbundinn enska félaginu Newcastle, en hann hefur ekki enn spilað með aðalliði félagsins. Cameron spilar sem miðvörður.
Hann á leiki með Workington, York City og Newport County, þar sem hann hefur verið á láni. Newport leikur í 4. efstu deild Englands og þar spilaði Cameron sex leiki á þessu tímabili, áður en hann sneri aftur til Newcastle.
Ólafur Páll Snorrason, aðstoðarþjálfari FH, staðfesti í viðtali við fotbolti.net í kvöld að Cameron væri að æfa með félaginu, en að það ætti eftir að taka ákvörðun um hvort honum verði boðinn samningur, en hægt er að sjá viðtalið í heild sinni með því að smella hér.