AC Milan-framherjinn Carlos Bacca sá um að tryggja Kólumbíu bronsverðlaunin í Ameríkubikarnum í knattspyrnu, Copa America, í nótt.
Bacca skoraði eina markið í sigri Kólumbíu á Bandaríkjunum, en markið skoraði hann í fyrri hálfleik eftir frábæra sókn. James Rodriguez lyfti boltanum glæsilega yfir vörn Bandaríkjanna á Santiago Arias sem skallaði boltann þvert fyrir markið á Bacca sem skoraði auðveldlega.
Bandaríkin gerðu sitt besta til að jafna metin og átti Bobby Wood skot í stöng. Juan Cuadrado lét einnig reyna á tréverkið fyrir Kólumbíu en hann vippaði boltanum yfir Tim Howard í þverslána.
Síle og Argentína mætast í úrslitaleik mótsins í nótt.
CARLOS BACCA GOAL AGAINST USA! #CopaAmerica pic.twitter.com/Wna2Fn5r7k
— AC Milan Videos (@ACMilanVideos) June 26, 2016