Ólafur Guðmundsson lét mikið að sér kveða þegar Kristianstad vann Sävehof öðru sinni í einvígi liðanna í undanúrslitum um sænska meistaratitilinn í handknattleik.
Ólafur skoraði sex mörk fyrir meistarana sem unnu sex marka sigur, 35:29, eftir að hafa verið þremur mörkum yfir í hálfleik 17:14. Atli Ævar Ingólfsson skoraði tvö mörk fyrir Sävehof.
Kristianstad vann fyrsta leik liðanna á sunnudag með eins marks mun, 29:28, og er því 2:0 yfir í einvíginu. Þriðji leikurinn fer fram á laugardag.