Keppni í 1. deild karla í körfuknattleik lauk í kvöld með heilli umferð.
KR stóð uppi sem sigurvegari í deildinni og fer upp í úrvalsdeild en liðin átta í sætum tvö til níu munu keppast um að vinna sér inn eitt laust sæti í úrvalsdeild til viðbótar.
Ljóst er hvaða lið mætast í 1. umferð úrslitakeppninnar. Þarf að vinna þrjá leiki til að komast áfram í undanúrslit.
Úrslitakeppnin hefst þann 5. apríl næstkomandi.
Í 1. umferð hennar mætast:
ÍR – Selfoss
Fjölnir – ÍA
Sindri – Þróttur V.
Þór Ak. - Skallagrímur