Ísbað hljómar illa en kæling gerir kraftaverk í að koma í veg bólgu, myndun mjólkursýru og niðurbrot í vöðvum. Sem sagt gott til að minnka strengi og önnur særindi. Ef ég hef tíma þá fer ég helst í ísbað eftir sprettæfingu, löng hlaup og hjólatúra. Hér er uppskrift fyrir kuldaskræfur sem treysta sér ekki með allan líkamann í baðið.
Um leið og þú kemur inn eftir erfiða æfingu, láttu renna ískalt vatn í baðkarið þannig að það nái yfir lærin og helst mjóbak þegar þú situr í baðkarinu.
Á Íslandi er vatnið oftast nógu kalt en t.d hér í Bretlandi skelli ég tveimur klakapokum útí t.d þeim sem þú fyllir sjálf og hnýtir (skellir pokanum útí í heilu lagi).
Vertu í bol eða einhverju að ofan svo þér verði ekki of kalt, markmiðið er að kæla þreytta fótleggi en ekki frysta þig alla. Vertu í baðinu amk 10 mín helst 15 mín, þetta er einungis vont í um 1 mín og þú getur dippaðinn og út fyrstu skiptin sem þú byrjar á þessu ef þér er of kalt. Eftir 4-5 skipti er þetta ekkert mál.Farðu í heita sturtu 30-60 mín seinna (ef þú gerir það fyrr skemmirðu áhrif ísbaðsins). Ég hef reyndar oftast ekki tíma í svoleiðis bið og fer því í volga sturtu strax.
Íæfingaferðum með liðinu þarsem við erum að æfa eða hjóla langa túra dag eftir dag er ísbað skylda. Einnig mæli ég með því fyrir skíðaferðir, golfferðir og gönguferðir um hálendið en á hálendinu geturðu notað næsta læk. T.d flest hjólahótel eru með eina ískalda vaðlaug gagngert til að kæla sig niður og þar standa atvinnumennirnir í bunkum eftir langan dag.